Ealgabivddu báhččiid unnimusmearrenjuolggadus atnui maiddái Anáris

Davvi-Suomas 8 §:a guovllus stáhtaeatnamiid báhččiidmeari guoskevaš unnimusmearrenjuolggadus váldo atnui jagi 2018 ealgga bivdolohpeguorahallamis maiddái Anáris.

Stáhta eatnamiidda boahtán meahcástanmeari dihtii bivdolobit mieđihuvvojit dušše daid ohcciide, geain leat unnimustá logi meahcásteaddji (báhčiniskkus fámus dahje boarásmuvvá bivdolobi jagi áigge), geat eai bivdde eará guovllus ja sis unnimustá guđas ii leat ealgga meahcástanvejolašvuohta eará guovllus. Ovdalis máinnašuvvon báhččinjuolggadusat (ja báhččilogahallan) gusket seammá láhkai meahcástanlága 8 §:a rivttiin stáhta eatnamii ohccán ohcci.

Váldonjuolggadusas sáhttá spiehkkasit dušše dáhpáhusain, go guvlui eai leat leamašan eará ohccit. Dát unnimusmearrenjuolggadus guoská ML:a 8 §:a guovllu válddekeahttá vuhtii Eanodaga ja Ohcejoga.

Báhččinjuolggadus lea oktilaččat anus Meahciráđđehusa guovlolobiid gieđahallamis ja Suoma fuođđoguovddážis bivdolobiid gieđahallamis.

Bivdolobiid ohcamis addojuvvojit rávvagat riista.fi -siidduin, bivdolobiid ohcciid guoskevaš rávvagiin.