Siirry sisältöön

Geavahaneavttut

Riista.fi-siiddut leat Suoma fuođđoguovddáža fállán nuvttá bálvalus. Siiddut fállet buohkaide áiggi dási dieđu fuođđohálddahusas, fuođđodállodoalus ja meahcásteamis beroštuvvan olbmuide sihke doaibmá dieđáhusaid ja prentosiid arkiivan. Buot siiddut lea suoma- ja ruoŧagillii, oassi maiddái sáme- dahje eŋgelasgillii.

Buot siidduid dieđut leat oaivvilduvvon dušše informatiivalaš dárkkuhusaide, iige dieđuid galgga ipmirdit juridihkalaš , gávppálaš dahje dávisteaddjilágan rávvemin. Siidduid bokte sáhttá sáddet máhcahaga Suoma fuođđoguovddážii. Siiddut leat plánejuvvon ja testejuvvon dábálaččamus internet-bláđániid ja geavahanvuogádagaid kombinašuvnnaiguin.

Siiddut leat oaivvilduvvon Suoma fuođđoguovddáža buot čanusjoavkkuide. Geavaheaddji čatnasa geavahit siidduid geavahaneavttuid mat leat fámus, lága ja buori dábi mielde. Geavaheaddjiid persovdnadieđut čohkkejuvvojit dušše sin miehtama vuođul, sin iežaset Suoma fuođđoguovddážii ovdamearkan máhcahaga oktavuođa almmuheamis.

Siidduid sisdoallu, dego teaksta ja govat, leat suddjejuvvon dahkkivuoigatvuođa lága mielde. Suoma fuođđoguovddáš doallá alddis vuoigatvuođaid siidduide ja daid sisdollui, jus eará láhkai máinnašuvvon. Geavaheaddjis lea vuoigatvuohta ávkkástallat ja čálihit siidduid ja daid sisttisdoallan sisdoalu priváhta, ii-gávppálaš dárkkuhussii. Dieđihangaskaomiin lea vuoigatvuohta ávkkástallat dieđáhusaid govaiguin journalisttalaš ulbmiliidda dáinna eavttuin, ahte dieđu gáldu máinnašuvvo geavaheami oktavuođas.

Teavsttat dahje eará materiála ii oaččo geavahit gávppálaš dahje dárkkuhusaide, mat leat buriid dábiid vuostá. Iige maiddái dárkkuhusaide, mas diđolaččat geahččaluvvo hehttet Suoma fuođđoguovddáža doaimma. Siidduin sáhttá ohcat Suoma fuođđoguovddáža bargiid oktavuođadieđuid. Oktavuođadieđuid ii oaččo geavahit eará go priváhta dárkkuhussii.

Suoma fuođđoguovddážis lea ovddasvástádus siidduid ieš buvttadan materiála sisdoalus, dahkkivuoigatvuođain ja eará immateriálavuoigatvuođain. Suoma fuođđoguovddáš ii vástit siidduid eará sisdoalus iige eará siidduid bokte dahje daid vehkiin doaimmahuvvon dahje ožžojuvvon sisdoalus. Suoma fuođđoguovddáš doallá alddis vuoigatvuođa lasihit, rievdadit ja sihkkut eret osiid siidduin dahje heaittihit siidduid bajásdoallama muhtin oassái dahje oppalaččat dahje ráddjet siidduide beassama goas beare.

Suoma fuođđoguovddáš ii váldde ovddasvástádusa feaillalaš sisdoalus, teknihkalaš vigiid, fuolahanbargguid dahje diehtodorvoriskkain geavaheaddjiide boahtán njuolggo dahje eahpenjulges vahágiin. Suoma fuođđoguovddáš ii makkárge diliin vástit vahágiin, mat bohtet dihtorvuogádahkii dahje dieđuide, mat leat doppe.

Rávvagat ságastallamii sosiála medias

Suoma fuođđoguovddáža sosiála media siidduid bajásdoallá Suoma fuođđoguovddáža dieđihanjoavku. Ságastallama ja kommeanttaid čuovvut jeavddalaččat ja áššálaš jearaldagaide figgat geargat vástidit. Juohkehaš ságastalli oaidu lea mávssolaš ja máŋggabealat ságastallan fuođđosuorggis lea sávahahtti.

Ságastalliid kommeanttat galget čuovvut lága ja buriid dábiid. Kommenterejeaddji identitehta galgá čielgat profiilanamas ja kommenterejeaddjis lea álo ovddasvástádus iežas čállosisttis. Suoma fuođđoguovddáš ii váldde ovddasvástádusa kommeanttain ovdanbuktojuvvon oaiviliin, čuoččuhusain, liŋkkain eará siidduide dahje eará olggobeale sisdoalus. Áššehis čállosat ja reklamašuvnnat sihkkojuvvojit eret almmá sierra almmuheami haga.

© Suoma fuođđoguovddáš 2013