Siirry sisältöön

Boazodoalloguovllu spiehkastatlobiiguin sálašin njeallje geatkki

Suoma fuođđoguovddáža mieđihan vahátákkalaš spiehkastatlobiiguin godde ođđajagi mánu áigge njeallje geatkki. Spiehkastatlobiiguin bivdojuvvon geatkkit goddojuvvojedje Suomussalmis, Hyrynsalmis, Taivalkoskis ja Eanodagas. Getkkiin golbma ledje varrásat ja okta njiŋŋálas.

Eana- ja meahccedoalloministeriija ásahan alimus lobálaš sálašmearri vássi bivdojahkái lea ovddit njealji meahcástanjagiid láhkai gávcci geatkki. Ministeriija ásahusa mielde spiehkastatlobiid sáhttá mieđihit dušše geatkenáli dikšunplánas meroštallojuvvon davvi ja nuortta boazodoalloguovllu nálledikšunguvlui, gos geatkki dahkan boazovahágat eanaš leat.

Geatkái girjejedje jagi 2020 badjel 3 400 boazovahága, mii lea 60 proseantta buot mannan jagi stuorraspiriid dagahan buhttejuvvon boazovahágiin. Vássán dálvvi áigge vahágiid mearri leamašan mearkkašahtti unnit go ovddit jagi. Vahátákkalaš spiehkastatlobiin lea mihttomearri geahpedit geatkki dagahan earenoamáš stuorra boazovahágiid.

Luondduváriidguovddáža mielde Suomas árvvoštalle leat guovvamánus 2020 oktiibuot 385–390 geatkki, main 135–140 boazodoalloguovllus. Šládja lea leavvan maŋimuš jagiid ain eanet maiddái boazodoalloguovllu máttabeallái ja áicamat getkkiin dahkkojuvvojit otná beaivve gitta máttimus Suoma ráje.

Jahkásaččat dahkkojuvvon fuođđogolbmačiegarehkenastimiid ja Davvi-Sámi guovllurehkenastimiid mielde Suoma geatkenálli lea lassánan 1990-logu álgu ektui sulaid logigeardásažžan. Ovttadatmeari šaddan leamašan maŋimuš vássán logi jagi áigge áigge garrasut.

Additional information

Paasimaa, Marko

  • Fuođđooaivámuš, Kainuu
  • Návddiid spiehkastatlobit
  • 029 431 2232
  • marko.paasimaa@riista.fi