Spireoktavuođaolbmuid sihkkarastán áicamat stuorraspiriin dahket nálleárvvoštallamiid vuođu. Almmuhemiin áicamiiddát spireoktavuođaolbmui veahkehat dárkkálmahttit nálleárvvoštallama.
Spireoktavuođaolbmot leat eaktodáhtolaččat, skuvlejuvvon áššedovdit, geat dárkkistit ja girjejit stuorraspireáicamiid. Riikkavuložiid sávvat almmuhit gumpe-, guovža-, albbas- ja geatkeáicamiin guovllu spireoktavuođaolbmui.
Stuorraspireáican sáhttá leat oaidnináican dahje áican luottain, bázahusain, ráppiin dahje gazzaluottain. Almmut áicamat detáljaid ja dárkilis sajádaga báikkálaš spireoktavuođaolbmui seammás dáhpáhusa maŋŋá. Almmuhemiin áicamat doarjjut fuođđodutkama ja veahkehat virgeoapmahaččaid oažžut dárkilut jurdaga guovllu stuorraspiredilis.
– Stuorraspireáicamiin lea ollu molsašuddan náliid mielde miehtá Lappi. Geatkeáicamiid leat dahkan jagi 2023 eanemus stuorraspiriin (oktiibuot 320). Geatkeáicamat leat eanaš Davvi-Sámis, albbasáicamat Mearra-Lappis ja gumpeáicamat fas Nuorta-Lappis. Guovžžaid áice dássidit olles Lappis, fuođđoplánejeaddji Eerojuhani Laine Suoma fuođđoguovddážis dadjá.
Áicandieđut ávkkástallojuvvojit máŋgga láhkai
Virgeoapmahaččat ja fuođđohálddahus, dego boles ja Suoma fuođđoguovddáš, ávkkástallet áicamiid mearrádusaid dahkama doarjjan. Lassin áicamat ávkkástallojit stuorraspirevahágiid ovddalgihtii eastadeamis, dego spireáiddiid ja eará suddjenmateriála čuoziheamis. Áicandieđuid sáhttá ávkkástallat maiddai vahátákkalaš spiehkastatlobiid gieđahaladettiin.
Logit duháhat áicandieđut girjejuvvojit jahkásaččat olles riikkas, nuba sáhka lea duođaid viiddis eaktodáhtolašvuođa fápmočájánasas.
– Lappi guovllus jagi 2023 áicamiid girjejedje sulaid 80 spireoktavuođaolbmo. Spireoktavuođaolbmot leat gal eanet, muhto buohkaide eai boađe almmuhusat áicojuvvon spiriin ja juste riikkavuložiin ožžojuvvon áicamiin lea vuođđu máŋgga spireoktavuođaolbmo girjemiin, muitala Eerojuhani Laine Suoma fuođđoguovddážis.
Buot spireoktavuođaolbmo dárkkistan stuorraspireáicamat girjejuvvojit Luondduriggodatguovddáža Tassu-vuogádahkii. Áicamis girjejuvvo earret eará ealli šládja ja lohkomearri, áicanáigi ja -báiki. Ássama lahkasis lihkadan stuorraspiriin girjejuvvo lassin gaska lagamus ássojuvvon ráhkadussii.
Buot girjejuvvon áicamat gávdnojit álgoárvvoštallama hámis luonnonvaratieto.luke.fi-kártabálvalusas.
Jus deaivvat stuorraspire
Jus deaivvat stuorraspire dikšojuvvon šilljobires dahje guohtumis, lea galgá figgat vuojehit dan eret garra jienain ja čájehemiin, ahte báikki alde lea olmmoš. Dákkár deaivideami galgá almmuhit áinnas spireoktavuođaolbmui. Jus stuorraspire lihkada dikšojuvvon šilljobires duojážassii, láhtte váralaččat dahje ii jávkka šiljus olbmo áiccadettiin, riŋge heahteguovddážii.
Jus stuorraspire dagaha vára dahje vahága, dahje vuoját stuorraspire ala, váldde oktavuođa heahteguovddáža (112) bokte bolesii.
Gávnnat du guovllu stuorraspireoktavuođaolbmo oktavuođadieđuid riista.fi -siidduin