EMM ásahusa 451/2024 (28.6.2024) mielde oarjjabeale boazodoalloguovllu guovžabivdoearri lea 10 guovžža ja nuorttabeale boazodoalloguovllu earri 60 guovžža. Nuorttabeale boazodoalloguvlui gullet Ohcejoga, Anára, Soađegili, Pelkosenniemi, Suovvaguoikka, Salla, Guossáma ja Suomussalmi gielddat ja oarjjabeale boazodoalloguvlui eará boazodoalloguovllu gielddat. Guovžža (vuhtii válddekeahttá jagi nuorat guovžža čivgga ja njiŋŋálas guovzza, man dákkár čivga čuovvu) sáhttá boazodoalloguovllus meahcástit bivdoeari vuođul 20.8. – 31.10.2024. Guovžža čivga ja dan eadni leat ráfáidahtton iige daid oaččo meahcástit.
Árabut boazodoalloguovllu guovžasállaša almmuheami ja eari dárkkisteami várás oaivvilduvvon guovžatelefon ii leat šat anus.
Guovžaeari dili nuorttabeale ja oarjjabeale boazodoalloguovllus sáhttá čuovvut Suoma fuođđoguovddáža fierbmesiidduin (dát siidu / ovdasiidu). Dát lihkostuvvá álkit maiddái fihttotelefovnnain. Giddodatdilis ja meahccebivddu gaskkalduvvamis eari dievadettiin dieđihuvvo maiddái báikkálašrádio bokte.
Guovžabáhččit sáhttet girjet sállaša Oma riista -mobiilavuogádagain álkit jo báhčinbáikkis. Aitosaš lágas ásahuvvon njeaidinalmmuhusa sáhttá dahkat girjema vuođul dahje njuolga dihtoris Oma riista -fierbmebálvalusas. Amma muittát čálihit sisa bálvalussii jo ovdal go vuolggát guovžabivdui.
Molssaevttolaččat sálašalmmuhusa sáhttá dahkat šleađgapoasttain čujuhussii raportointi@riista.fi. Šleađgapostii girjejuvvojit čuovvovaš dieđut: 1) njeaidi namma ja báhččinummir, 2) njeaidinbeaivi ja diibmu, 3) njeidojuvvon guovžža sohkabealli, 4) njeaidinbáikki gielda, duovddanamma ja njeaidinbáikki GPS-koordináhtat. Lassin bivdit addit guovžža goddán telefonnummira vejolaš oktavuođaváldima várás.
Lága mielde sálašalmmuhusa galgá dahkat dalán go šállašá lea goddán.
Eari dievadettiin Suoma fuođđoguovddáš galgá VNa 452/2013 8 §:a mielde mearridit guovžabivddu guovllus (nuorttabeale/oarjjabeale boazodoalloguovlu) heaittihuvvot.
Guovžža earrebivdu boazodoalloguovllus
Guovžža njeaidán meahcásteaddjái doaimmahuvvo Suoma fuođđoguovddážas: 1) Suoma fuođđoguovddáža rávvagat sálašduođaštusa ohcama várás, 2) Suoma birasguovddáša rávvagat guovžža rohpa ja ruvjjiid vuovdimii dárbbašlaš CITES-duođaštusa ohcamii, sihke 3) Luondduriggodatguovddáša návdedutkama rávvagat njeidojuvvon guovžžaid čájáhusaid váldimis ja sáddemis.
EU-duođaštusa dahje CITES-lobi oažžuma dihtii Suoma birasguovddáš gáibida áitosaš ohcanskovi lassin mielddusin ng. lágalaš oažžuma duođaštusa. Árabut dán duođaštusa mieđihii fuođđoguovddášsearvi, muhto čavčča 2012 rájes dán duođaštusa leat mieđihan Suoma fuođđoguovddáš. Duođaštusa ohccin doaibmá boazodoalloguovllus sállaša ožžon olmmoš. Duođaštusa oažžuma ovdii galgá váldit oktavuođa Suoma fuođđoguovddážas (korjaa tarvittaessa sijamuoto!): raportointi@riista.fi, dahje telefovnna bokte Harri Norberg tel. 029 431 2115.
Luondduriggodatguovddáš (Luke) sávvá boazodoalloguovllus njeidojuvvon guovžžain čájáhusaid. Guovžžain váldet čájáhussan: 1) sohkabealleealánat (varris guovžža bállut / njiŋŋálas guovžža goaŧŧu ja manneráksá), 2) badjeollola čaláma duohken lea smávva bázahusbáni ruohttasiiguin agi meroštallama várás, 3) s. 50 grámma bihttá vuoivasa, 4) s. 100 grámma bihttá badjeváhkás, 5) s. 50 grámma bihttá vuoivvasnjárččás ja 6) nierradeahkki. Čájáhus (1-6) báhkkejuvvojit plastihkkabussiide, guđege čájáhus iežas bussii, ja daid galgá jiekŋudit ovdal sáddema Luke návdedutkamuššii Taivalkoskii.
Luondduriggodatguovddáša čájáhusváldima ja čájáhusaid sáddema guoskevaš rávvagat bohtet poastta mielde eará guovžža njeaidimii laktáseaddji dokumeanttaid mielde. Suoma fuođđoguovddáš ávžžuha printet čájáhusa váldima guoskevaš rávvagiid fárrui go vuolgá guovžabivdui. Čájáhusain oažžut mávssolaš dieđu maiddái boazodoalloguovllu guovžanális.