Spiehkastatlohpeohcamušat

Suoma fuođđoguovddáš sáhttá meahcástanlága 41 § mielde mieđihit lobi spiehkkasit meahcástanlága 37 § ja 38 § ja 50 § 2 momeanttas oaivvilduvvon ráfáidahttimis, gielddus dahje ráddjehusas 41 a §, 42 b § ja 41 c § ásahuvvon eavttuiguin.

Stáhtaráđi ásahusain sáhttá addit dárkilut njuolggadusaid spiehkastatlobi mieđiheamis čuvvojuvvon meannudeamis, spiehkastatlohpái laktojuvvon mearrádusain, spiehkastatlobi vuođul ožžojuvvon sállaša almmuheamis ja spiehkkaseami eavttuid árvvoštallamis.

Spiehkastatlobiid vuođul bivdojuvvon sállaša jahkásaš meari sáhttá ráddjet. Eana- ja meahccedoalloministeriija ásahusain sáhttá addit dárkilut njuolggadusaid das, guđe fuođđoealli ráddjehus guoská, mii lea stuorámus lobálaš sálašmearri, mii galgá leat sálašoktagasaid sohkabealli dahje ahki ja man guovllu ráddjehus guoská.

Ráfáiduhttimis spiehkkaseapmi

Suoma fuođđoguovddáš sáhttá muđuid go 37 § vuođul ásahuvvon ráfáidahttináiggis mieđihit spiehkastatlobi 41 a § 1 momeanttas, 41 b § 1 momeanttas ja 41 c § meroštallojuvvon eavttuiguin fuođđoealli dahje ráfáidahtekeahtes ealli goddimii dahje bivdimii. Stáhtaráđi ásahusain sáhttá ásahit áigemuttus, goas 37 § oaivvilduvvon ráfáidahttimis sáhttá spiehkkasit.

Spiehkkaseapmi eará gildosiin dahje ráddjehusain

Suoma fuođđoguovddáš sáhttá 41 a §:a 1. momeanttas, 41 b §:a 1. momeanttas ja 41 c §:s oaivvilduvvon dáhpáhusain mieđihit maiddái lobi spiehkkasit 32 §:s ásahuvvon mohtorfievrru geavaheami ráddjehusain, 33 §:s ásahuvvon bivdoneavvuide ja -vugiide guoskevaš gildosiin ja 35 §:s ásahuvvon bivdovearjju fievrredeami guoskevaš njuolggadusain ja 51 §:a 1. momeanttas ásahuvvon beatnaga veaddingeatnegasvuođas. Suoma fuođđoguovddáš sáhttá mieđihit lobi spiehkkasit 32 §:a 2. momeanttas ásahuvvon mohtorfievrru geavaheami ráddjehusas ja 35 §:a 3. momeanttas ásahuvvon bivdovearjju fievrredeapmái guoskevaš ráddjehusain maiddái dalle go ohcci lea bissovaččat dahje guhkesáigásaččat lámis. (Meahcástanláhka 41 a §)

Ohcamuš

Meahcástanlága 41 § oaivvilduvvon spiehkastatlobi guoskevaš ohcamušas galgá máinnašit spiehkastatlobi eallišlája ja bivdojuvvon oktagasaid meari, jus lea sáhka dihto oktagasa dahje dihto oktagasaid bivdimis dahje goddimis.

Jus ohcamuš guoská spiehkastatlobi gildojuvvon bivdoneavvuid dahje -vugiid geavaheamis, ohcci galgá ovdanbuktit ohcamušastis siva, man dihtii bivddus dárbbaša gildojuvvon bivdoneavvu dahje bivdovuogi. Ohcamuš gildojuvvon neavvu dahje vuogi geavaheamis sáhttá gieđahallot oktanaga ealli bivdima dahje goddima guoskevaš ohcamušain.

Suoma fuođđoguovddáš sáhttá gáibidit, ahte ohcci galgá laktit fuođđoealliid guoskevaš spiehkastatlohpeohcamuššii čielggadusa bivdovuoigatvuođas guovllus, gosa lohpi ohccojuvvo.

Bláđe ohcamušrávvagiid ja –skoviid siidoválljus.

Beaivvádahtton 6.6.2013