Geatkebivdui mieđihuvvon vuosttas sierralobit

Riistakeskus_logoSuoma fuođđoguovddáš lea mieđihan njealji geatkki goddima várás sierralobiid. Goddinlobit leat mieđihuvvon dakkár getkkiide, mat leat dagahan earenoamáš ollu vahágiid boazodollui. Geatkki goddinlobit leat mieđihuvvon vahágiid vuođul Davvi-Salla, Giema-Soabbat, Bátneduoddara ja Sállevári bálgosiidda. Buot dáin guovlluin leat gávdnon máŋgalogi geatkki goddin bohcco, main leat dahkan almmuhusaid gielddaid dálonguovloeiseválddiide. Mearkkašahtti oassi gávnnahuvvon vahágiin lea dáhpáhuvvan guovvamánus.

Mieđihuvvon sierralobiiguin lea ulbmil eastit dáhpáhuvvamis earenoamáš stuorra vahágiid boazodollui. Ovddit jagiid vásáhusaid vuođul lea dieđus, ahte giđđadálvvi muohtadilli lea oiddolaš geatkái ja danin geatki dagahage vahágiid justa dalle. Hui ráddjejuvvon sierralohpi lea mieđihuvvon daid geatkki ássanguovlluide, gos leat gávnnahan earenoamáš ollu geatkevahágiid. Vejolažžan dahkkojuvvon  ja ráddjejuvvon bivdu ollašuhttá geatkenáli dikšunplána.

Eanan- ja vuovdedoalloministeriija ásahusas stuorimus vejolaš sálašmearrin bivdojahkái 2016-2017 lea biddjojuvvon gávcci geatkki. Ásahusa mielde sierralobiid sáhttá mieđihit dušše geatkenáli dikšunplánas meroštallojuvvon boazodoalloguovllu davve- ja nuortaosiid geatkenáli dikšunguvlui, dohko gos geatkkit dagahit eanemus boazovahágiid.

Lassedieđut:

Sami Tossavainen, fuođđohoavda, Suoma fuođđoguovddáš Lappi

tel. 029 431 2304  sami.tossavainen@riista.fi

 

Urpo Kainulainen, fuođđoplánejeaddji, Suoma fuođđoguovddáš Lappi

tel. 029 431 2252 urpo.kainulainen@riista.fi