Dálvvi vuosttas geatkebivddu spiehkastatlobit mieđihuvvon Guossámii ja Lappii

Suoma fuođđoguovddáš lea mieđihan spiehkastatlobiid golbma earenoamáš mearkkašahtti boazovahágiid geatkki goddima várás. Vahátákkalaš spiehkastatlobit leat mieđihuvvon Guossáma Kallioluoma ja Oivanki bálgosiid oktasaš lohpeguvlui sihke Lappii Kuivasalmi ja Lappi bálgosiidda.

Mieđihuvvon sierralobiiguin lea ulbmil eastit dáhpáhuvvamis earenoamáš stuorra vahágiid boazodollui. Ovddit jagiid vásáhusaid vuođul lea dieđus, ahte dálvvi ja  giđđadálvvi muohtadilli lea oiddolaš geatkái ja danin geatki dagahage vahágiid justa dalle. Hui ráddjejuvvon spiehkastatlobit leat mieđihuvvon daid getkkiid ássanguovlluide, gos leat gávnnahan earenoamáš ollu geatkevahágiid. Vejolažžan dahkkojuvvon  ja ráddjejuvvon bivdu ollašuhttá geatkenáli dikšunplána.

Eanan- ja vuovdedoalloministeriija ásahusas stuorimus vejolaš sálašmearrin bivdojahkái 2017-2018 lea biddjojuvvon gávcci geatkki. Ásahusa mielde spiehkastatlobiid sáhttá mieđihit dušše geatkenáli dikšunplánas meroštallojuvvon boazodoalloguovllu davve- ja nuortaosiid geatkenáli dikšunguvlui, dohko gos geatkkit dagahit eanemus boazovahágiid.