Buot geatkki spiehkastatlobit mieđihuvvon – sálašin jo njeallje geatkki

Suoma fuođđoguovddáš lea mieđihan mannan vahkus mieđihuvvon njealji spiehkastatlobi lassin spiehkastatlobiid njealji geatkki bivdimii. Ođđa spiehkastatlobit mieđihuvvojedje Kainuu Hossa-Irni ja Halla bálgosiidda sihke Lappii Neakkela ja Giema-Soabbada bálgosii.

Mannan vahkus spiehkastatlobit mieđihuvvojedje Guossámii Kallioluoma ja Oivanki bálgosiid oktasaš lohpeguvlui sihke Lappii, Kuivasalmi ja Sállevári bálgosiidda. Dáid spiehkastatlobiin leat ožžon sálašin jo njeallje geatkki.

Eana- ja meahccedoalloministeriija ásahusas lea stuorámus alimus sálašmearrin ásahan gávcci geatkki meahcástanjahkái 2017–2018. Mieđihuvvon spiehkastatlobiid lassin Suoma fuođđoguovddážii leat boahtán spiehkastatlohpeohcamušat maiddái eará guovllus boazodoalloguovllus. Dáid ohcamušaid bokte mearrádusat leat biehttaleaddji.

Mieđihuvvon spiehkastatlobiin lea mihttomearri eastadit boazodollui boahtá earenoamáš mearkkašahtti vahágiid. Geatkái oiddolaš muohtadili mielde vahágat šaddet ovddit jagiid vásáhusaid vuođul olu dálve- ja giđđamánotbajiid áigge. Spiehkastatlobit leat mieđihuvvon ovttaskas getkkiid eallinguovlluide, maid leat gávnnahan dahkat olu vahágiid.

Spiehkastatlobiid sáhttá ásahusa mielde mieđihit dušše geatkenáli dikšunplánas meroštallojuvvon davvi ja nuortta boazodoalloguovllu nálledikšunguvlui, gos geatkki dahkan boazovahágat leat stuorámusat. Dát vejolažžan dahkkon válljejuvvon ja ráddjejuvvon bivdu ollašuhttá geatkkenáli dikšunplána.

Additional information