Siirry sisältöön

Boazodoalloguovllu guovžabivdu nohkamin

Suoma fuođđoguovddáš ávžžuha boazodoalloguovllu guovžabivdiid váldit vuhtii dihtomearredili ja sálažin ožžojuvvon guovžžaid almmuheami dakka viđe guovžža báhčima maŋŋá.

Čavčča guovžabivdu lea ovdánan johtilit boazodoalloguovllus. Nuorttabeale dihtomearreguovllu dihtomearis leat šat guhtta ja oarjjabeale dihtomearreguovllu dihtomearis vihtta guovžža.

Nuorttabeale dihtomearreguvlui gullet Ohcejoga, Anára, Soađegili, Pelkosenniemi, Suovvaguoikka, Salla, Guossáma ja Suomussalmi gielddat ja oarjjabeale boazodoalloguvlui earát boazodoalloguovllu gielddat.

Suoma fuođđoguovddáš ávžžuha meahccebivdiid váldit vuhtii dihtomearredili guovžabivddus eandalii dál go dihtomearrebivdu lea nohkamin. Lassin fuođđoguovddáš muittuha, ahte meahcásteaddjit galget dahkat lágas ásahuvvon sálašalmmuhusa boazodoalloguovllu guovžža njeaidimis Suoma fuođđoguovddážii spiehkastatlohpeásahusa (8 § 3 mm) mielde dakka viđe guovžža goddima maŋŋá. Sálašalmmuhusa sáhttá dahkat juogo Oma riista -bálvalussii dahje šleađgapoastta bokte čujuhussii raportointi@riista.fi. Go dihtomearri dievvá Suoma fuođđoguovddáš mearrida guovžabivddu dihtomearreguovllus (oarjjabeale/nuorttabeale boazodoalloguovlu) heaittihuvvot. Jus dihtomearri reahkká loahpa rádjai, guovžabivdu nohká maŋimustá 31.10.

Borgemánu 20. beaivve álgán guovžabivddus leat ožžon sálažin jo 74 guovžža, main 64 nuorttabeale ja logi oarjjabeale dihtomearreguovllus.  Eana- ja meahccedoalloministeriija ásahusa mielde nuorttabeale dihtomearreguovllus oažžu goddit eanemustá 70 guovžža ja oarjjabeale dihtomearreguovllus 15 guovžža. Eanemus guovžžaid leat báhčán dán čavčča bivddus Suomussalmis (25), Guossámis (17) ja Sallas (11). Oarjjabeale dihtomearreguovllus eanemus leat báhčán guovžžaid Giemajávrris (3) ja Puolankas (2). Čakčat 2018 boazodoalloguovllus báhče 87 guovžža, main 76 nuorttabeale ja 11 oarjjabeale dihtomearreguovllus.

Dihtomearreguovžabivddu dilli

Guovžasállašat

Guovžža dihtomearrebivdu boazodoalloguovllus

Additional information