Meahcástanguovllu ráddjen lea rievdaduvvon nu, ahte árbevirolaš meahccebivdu livččii viidásit vejolaš.
Stuorračuotnjága bivdin lea lobálaš Lappi eanagottis 20.8 dmu. 12 – 27.8. vuhtii válddekeahttá riikkageainnu E8 mátta guovlluid sihke Eanodaga, Anára ja Ohcejoga gielddaid. Meahcástanguovllus leat fámus čuovvovaš ráddjehusat, maid mihttomearrin lea dorvvastit árbevirolaš jeagge- ja meahccebivddu ollašuvvama ja meahcásteami suvdilisvuođa:
- Ovtta (1) stuorračuotnjága áigodatdihtomearri
- Sevttiid geavaheapmi ii leat lobálaš
- Bealdduin meahcásteapmi ii leat lobálaš
- Sálašalmmuhusgeatnegasvuohta. Ávžžuhit geavahit Oma riista.
Eana- ja meahccedoalloministeriija ráddjii Eanodaga, Anára ja Ohcejoga gielddaid eret lobálaš meahcástanguovllus. Ráddjen dahkkojuvvui eana- ja meahccedoalloministeriija ásahusevttohusas ožžojuvvon cealkámušaid vuođul, dasgo dáin guovlluin stuorračuonjámáddodat lea Luondduriggodatguovddáža girdinrehkenastimiid ja merkemiid vuođul hui headju.
– Stuorračuotnjága meahcásteapmi lea obanassii vejolaš bárbmomáđija dási máddodatdikšuma ja das boahtán čuonjámáddodaga ealáskeami ja dárkileabbon šaddan fuođđodieđu ánssus. Meahcásteapmi lea goittotge garrasit ráddjejuvvon, dassáigo Suoma bessenmáddodaga dilli lea dárkileappot čielggaduvvon. Mihttomearrin lea dorvvastit Suoma bessenmáddodaga ealáskeami seammás go dahkat vejolažžan bivdokultuvrra seailuma, muitala Suoma fuođđoguovddáža sierraplánejeaddji Mikko Alhainen.
Meahcásteaddjiid gánneha čállit sálašalmmuhusa lassin bajás stuorračuonjááicamiid Oma riistai. Diehtu lea veahkkin ovdamearkka dihtii bessenmáddodatárvvoštallama ovddideamis. Fuođđodiehtu gáibiduvvo vai sáhttit mihttodallat riekta meahcásteami muddema.
Stuorragiljobačča meahcásteapmi lea lobálaš golggot-skábmamánus dego mannan jagiid riikka máttanuortaoasi ráddjejuvvon guovllus.
Vuosttamuš háve meahcástanguovloráddjema vuođđun lea eará go hálddahusráját
Ođđa guovlluráddjema mihttomearrin lea geahččalit, doaibmágo geaidnofierpmádat meahcástanguovllu ráddjenvuohkin, Geaidnofierpmádaga vehkiin meahcásteami mudden sáhttá fállat ođđa vejolašvuođaid vuogálaš meahcásteami ráddjemii, mii sáhttá dievasmahttit gielda- dahje eanagotterájáide vuođđuduvvan muddema.
Stuorračuotnjága oasis ráddjen, mii vuođđuduvvá riikkageidnui, dahká vejolažžan árbevirolaš stuorračuonjá bivdima Lappi mearragáddegielddaid siseatnama guovlluid jekkiin, seammás go gieldit stuorračuonjá bivdima mearragáttis mearračuonjábivddu oktavuođas.
Mudden, man vuođđu lea johtalusfierpmádagas ja vejolaččat čázádagain, addá ođđa vejolašvuođaid vuhtiiváldit ealán- ja luonddugeográfalaš guovlluid meahcásteami muddemis vugiin, mii lea konkrehtalaš ja rájá sáhttá áicat meahcis álkit.
Sádde gova sálašlottis – oassálaste vuorbádeapmái
Sávvat, ahte sálašin boahtán stuorračuotnjága oaivvis ja soajás sáddejuvvo govva čujuhussii hanhi@riista.fi. Geavahit govaid čuonjásállaša ahke- ja vuollešládjajuohkašuvvama čuovvumii. Bija dasa diehtun sállaša goddinbeaivvi ja -gieldda. Buot jagi 2022 áigge stuorračuotnjága šálašgovaid sádden olbmot leat mielde vuorbádeamis man bálkkašupmin leat golbma Burrel S12 HD+SMS 3 -govaid sáddejeaddji fuođđokámera.
Lassedieđut:
Guvllolaš lassedieđut guovlluid fuođđohoavddain ja fuođđoplánejeaddjiin, geahča oktavuođadieđuid riista.fi
Vásttolaš čáhceloddeveahkki -siidu https://www.riistainfo.fi/syventavat-koulutukset/vastuullinen-vesilinnustaja/ (riistainfo.fi)