Meahciráđđehusa meahccábearráigeahčču lea áican, ahte ođđa teknihkalaš veahkkeneavvut ávkkástallojit bivddus lágaheamet. Ovdamearkan drovnna-girdiid ja GPS-rsuttegiid leat ávkkástallan lágaheamet.
Meahcástanláhka gielda johtti mohtorbiergasiid ávkkástallama meahccebivddus. Meahccebearráigeahču dihtui leat boahtán dáhpáhusat, main drovnna leat ávkkástallan jávrriin vuojehit fuođđoealliid báhččiid guvlui.
“Dát lea čielgasit gildojuvvon”meahccebearráigeahču alladárkkisteaddji Juha Ahonen Meahciráđđehusas dadjá.
GPS-rusttegiid ávkkástallan meahcástanbeatnagiid čeabetbáttiin lea lobálaš ja dábálaš, muhto dainge šaddet eahpenjuolga váttisvuođat. Go meahccebivdit čuvvot beanarádáris beatnaga ja ealgga johtima, sii figget doapmat biillain ealgga ovddabeallai. Ealgga sáhttet báhčit biilla suojis. Meahcástanláhka (32 §) goittotge gieldá bivdoealli báhcima mohtorfievrrus, dan suojis ja 100 m lagabus biilla seammás dan jáddadeami maŋŋá.
“Lassin dien gilvovuodjimis biillaid leavttut sáhttet šaddat meahccebiilageainnuin nu garasin, ahte das šaddá várra eará johtolahkii ja eará meahcásteaddjiid dorvvolašvuhtii”, Ahonen dadjá.
Meahciráđđehusa meahccebearráigeahčču muittuha, ahte meahcásteaddjit sáhttet ávkkástallat teknihkalaš veahkkeneavvuid, go dat beare dahkko riekta. Fuođđoealliid sáhttá várdát ja govvet drovnnii stellejuvvon kámerain, muhto fuođđoealliid ii oaččo hehttet meahcástandárkkuhusain. Meahcásteamis ealliid ii oaččo oppa vuohttitge drovnna vehkiin. Ovdamearkan fuođđorehkenastimiin veahkkeneavvu sáhttá goittotge ávkkástallat, go dat ii leat bivdin.
Almmolaš sajiin govven lea lobálaš go beare ruovtturáfi suddjen guovlluid garvá. Nuppi ruovttu dahje šilljobirrasa ii oaččo govvet. Dat sáhttá dulkojuvvot suollemasgeahčadeapmin.
Ovdamearkan álbmotmeahcis govvemis galgá muitit máŋga ášši. Luonddusuodjalanlága ja meahcástanlága mielde girdin ii oaččo hehttet nuppiid olbmuid dahje ealliid. Lassin ortnetnjuolggadus sáhttá mearridit johtinráddjehusaid. Maiddái áibmojohtolatlága ja Traficom njuolggadusaid galgá váldit vuhtii.
Meahciráđđehusa meahccebearráigeahčus vástidit alladárkkisteaddji ja 11 meahccebearráigeahčči. Sii koordinerejit bearráigeahču stáhta eatnamiin. Meahccebearráigeahčču dárkkista jahkásaččat 10 000 luonddus johtti. Meahciráđđehusa jahkásaš meahccebearráigeahččoraporta lea gokčavaš govvádus meahccebivdorihkolašvuođa ovdáneamis Suomas.
Lassidieđut
Alladárkkisteaddji Juha Ahonen, Meahciráđđehus, 040 6464250