Lappi guvllolaš fuođđoráđi bovdii čanusjoavkkuid háleštallat ollašuvvan ealganáli geahpedeamis, náli dilis ja ealgga dahkan vahágiin.
Fuođđoráđi giđđat 2021 golmmajagiáigodahkii 2021-2023 ásahan mihttomearregaskkaid mielde ealganálli Lappis lea 13 481-18 109 ealgga, gaskamearálaččat 15 800 ealgga. Mihttomeriid ollašuvvama čuvvot ovttasbarggus čanusjoavkkuiguin jahkásaččat.
Luondduriggodatguovddáža nálleárvvoštallamiid mielde meahcástanjagi 2021-2022 maŋŋá ealganálli njiejai ovddit jagi sulaid 15 600 ealggas sulaid 15 300 elgii. Ealgadálloguovlluid mielde ealganálli lei ásahuvvon mihttomearregaskkain njealji ealgadoalloguovllus ja bajábealde ovtta ealgadoalloguovllus (EDG 2, Anár) ja mihttomearregaskka vuolábeale njealji ealgadoalloguovllus (EDG 4, Soađegilli ja EDG 7, Roavvenjárga, EDG 6 Nuorta-Lappi ja EDG 9 Posio ja Ranua). Lappi lea juhkkojuvvon ovcci ealgadoalloguvlui.
Ealganáli ráhkadus lea Lappis buori dásis. Rávis ealggaid sohkabealleráhkadus lea váldooassái mihttomearis eanemustá 1,5 njiŋŋálasa ovtta varris ealgga ala. Ealganális leat čielgasit eanet njiŋŋálasat Posios ja Ranuas. Miesseoassi dálvenális leamašan eanaš mihttomeriid siste, 20-30 %, earret Anára ja Eanodaga guovlluin, gos misiid oassi lei vehá mihttomeari vuolleleappos.
Johtalus- ja vuovdevahágat njiedjan olahusjagiin
Lappi EBI-guovddáža mielde Lappis dáhpáhuvve jagi 2022 áigge 95 bártti. Johtalusvahágiid mearri lea njiedjan jagi 2017 maŋŋá, goas ledje 180 ealgabártti. Oppalašmearri lovttai goittotge ovddit jagi 79 bárttis. Lassáneapmi ovddit jagis lei eandalii Oarjemátta-Lappi ealgadoalloguovllus 8. Fuođđodikšunservviid bokte guorahaladettiin eanemus ealgabárttit ledje Roavvenjárggas, Gihttelis ja Giemaeatnamis.
Suoma vuovdeguovddáža mielde jagi 2022 áigge buhttejuvvon meahccevahágiid sturrodat lei 49 208 euro, kvaliteahttatáhpabuhtadusat ledje 36 059 euro, dievasmahttin- ja ođđasiidgilvima golut 0 euro ja árvvoštallangolut 13 150 euro. Buhtadusaid vuođđun lean vahátviidodat lei 240 hektára. Buhtadusaid vuođđun lei vahátviidodat lei 193 hektára. Buhtadusovdáneapmi leamašan njieddji jagi 2018 rájes.
Dilálašvuođas ságastalle gokčevaččat ealganáli dikšumis
Vuovdedoalu ja johtalusa ovddasteaddjiid mielas maŋimuš jagiid vahátovdáneami hálti leamašan sávaldagaid mielde. Meahcásteaddjilihtu ja kennelbire ovddasteaddjit bukte ovdan, ahte ealganáli galgá lasihit eandalii daid guovlluin, gos nálli lea njiedjan mihttomeriid vuollái. Dilálašvuođas ságastalle maiddái boazoealáhusa ja meahccebivddu oktiiheiveheamis ja daid bivddus boahtán buresveadjinváikkuhusain ja gulle dieđuid Norgga ja Ruoŧa lagašguovlluid ealganális
Lappi guvllolaš fuođđoráđđi gávnnahii dilálašvuođa maŋŋá doallán čoahkkimis, ahte ealgadoalloguovlluin galgá figgat mihttomearredásiin lean ealganállái, goas mihttomearreskála vulobeallái njiedjan ealggadoalloguovlluin náli lea dárbu lasihit. Ealganáli dikšumis galgá figgat vihkkehallon ja mearrediđolaš vearuhusplánemii. Lappi guvllolaš fuođđoráđđi oinnii dehálažžan, ahte Luondduriggodatguovddáža girdinrehkenastimiid lea dárbu joatkit jeavddalaččat maiddái boahttevaš jagiin.
Lassedieđut:
Jari Huhtamella
Lappi guvllolaš fuođđoráđi sj.
tel. 040 7025 302
Sami Tossavainen
Fuođđooaivámuš, Lappi
tel. 029 431 2304