Suoma fuođđoguovddáš lea mieđihan spiehkastatlobiid golmma geatkki goddimii. Vahátákkalaš spiehkastatlohpi lea mieđihuvvon Kainuui Halla ja Näljänkä bálgosiidda ja Lappii Giehtaruohttasa bálgosa guvlui.
Mieđihuvvon sierralobiiguin lea ulbmil eastit dáhpáhuvvamis earenoamáš stuorra vahágiid boazodollui. Ovddit jagiid vásáhusaid vuođul lea dieđus, ahte dálve- ja giđđamánuid muohtadilli lea oiddolaš geatkái ja danin geatki dagahage vahágiid dalle. Vejolažžan dahkkojuvvon ja ráddjejuvvon bivdu ollašuhttá geatkenáli dikšunplána.
Eana- ja vuovdedoalloministeriija ásahusas stuorimus vejolaš sálašmearrin bivdojahkái 2020–2021 lea mearriduvvon gávcci geatkki. Ásahusa mielde spiehkastatlobiid sáhttá mieđihit dušše geatkenáli dikšunplánas meroštallojuvvon boazodoalloguovllu davve- ja nuortaosiid nálledikšunguvlui, dohko gos geatkkit dagahit eanemus boazovahágiid.
Additional information
Paasimaa, Marko
- Fuođđooaivámuš, Kainuu
- Návddiid spiehkastatlobit
- 029 431 2232
- marko.paasimaa@riista.fi
Tossavainen, Sami
- Fuođđooaivámuš, Lappi
- Ml 8 paragráfa guovlu
- 029 431 2304
- sami.tossavainen@riista.fi