Neahtebeatnaga beaktilis bivdui gánneha oassálastit vássán meahcástanbajis. Neahtebeana lea Suoma lundui gulakeahtes vierisšládja ja vahátlaš eatnamis bessen lottiide, cubbuide ja álgovuđolaš luonddu máŋggahámatvuhtii ja dávddaid dego gáittaga ja trikiinna lebbejeaddji.
Ođđa vierisšládjastáhtusa mielde neahtebeatnaga guoskevaš láhkaásaheapmi lea nuppástuvvan. Koanstačuovgga ja seavdnjatsiktaga geavaheapmi bivddus lea lobálaš iige čivganáigge ráfáiduhttin leat. Lappii reisen meahcásteaddjiid ávžžuhit jávkadit áicojuvvon neahtebeatnagiid luonddus ja almmuhit sállašis Oma riista -bálvalusas.
Lappis doaibmá davviriikalaš neahtebeanafidnu, man mihttomearrin lea bissehit vierisspire leavvama Norgii ja Ruŧŧii. Suoma fuođđoguovddáža koordineren fidnu ollašuhttá Lappis doaibmanamma Juha Mäkimartti. Váldodoaibman lea beaktilisbivdun Davvi-Suomas ja Mearačoddagis. Lassin fidnu skuvle báikkálaš meahcásteaddjiid ja fállá rusttegiid bivdui. Jus meahcástansearvi lea beroštuvvan neahtebeatnaga bivdoskuvlejumis dahje Kanu-rihtáid válmmašteapmi, de sutnje sáhttá leat oktavuođas.
– Ii sáhte menddo olu giitit meahcásteaddjiid dahkan barggu neahtebeatnaga geahpedeamis. Sávvamis bargu joatkašuvvá seamma searain. Ruoŧa neahtebeanasálaš lea bisson logiid ealliid dásis, mii muitala náli bissuma mášolažžan. Lassin leavvama Norgii leat lihkostuvvan eastit, Juha Mäkimartti dadjá.
Suoma fuođđoguovddáš čoaggá áican- ja sálašdieđuid Lappi guovllu neahtebeatnagiin, dáid sáhttá lasihit Oma riista -bálvalussii. Lappis ja Davvebađaeatnama davveosiin leat sulaid 10 GPS-čeabetbátti anus Judas-neahtebeatnagiin dili čuovvumii ja ovttaskas ealliid jávkadeapmái viiddis meahcceeatnamiin. Buorre dillegovva neahtebeatnaga dihttomis lea dehálaš, vai beaktilis bivddu sáhttá čujuhit riekta. Čeabetbáddeneahtebeatnaga bivdimis oažžu 50 euro skeaŋkakoartta Retkitukkui. Maiddái eará neahtebeanaáicamiin sáhttá almmuhit Juha Mäkimarttii.
Lassidieđut:
Juha Mäkimartti, t. 050-3011 676
Eerojuhani Laine, fuođđoplánejeaddji, Suoma fuođđoguovddáš Lappi
029 431 2124, eerojuhani.laine@riista.fi