Lappi guvllolaš fuođđoráđi bovdii čanusjoavkkuid háleštallat ollašuvvan ealganáli geahpedeamis, náli dilis ja ealgga dahkan vahágiin.
Fuođđoráđi giđđat 2021 golmmajagiáigodahkii 2021-2023 ásahan mihttomearregaskkaid mielde ealganálli Lappis lea 13 481-18 109 ealgga, gaskamearálaččat 15 800 ealgga. Mihttomeriid ollašuvvama čuvvot ovttasbarggus čanusjoavkkuiguin jahkásaččat. Ealganáli sturrodat ja ráhkadus čuovvu eanaš mihttomeriid.
Meahcástanjagi 2021-2022 maŋŋá ealganálli njiejai ovddit jagi sulaid 18 000 ealggas sulaid 16 500 elgii. Ealgadálloguovlluid mielde ealganálli lei ásahuvvon mihttomearregaskkain guđa ealgadoalloguovllus ja bajábealde ovtta ealgadoalloguovllus (EDG 2, Anár) ja mihttomearregaskka vuolábeale guovtti ealgadoalloguovllus (EDG 4, Soađegilli ja EDG 7, Roavvenjárga).
Ealganáli ráhkadus lea Lappis buori dásis. Rávis ealggaid sohkabealleráhkadus lea váldooassái mihttomearis eanemustá 1,5 njiŋŋálasa ovtta varris ealgga ala. Ealganális leat eanet njiŋŋálasat Posios ja Ranuas. Miesseoassi dálvenális leamašan eanaš mihttomeriid siste, 20-30 %, earret Anára ja Ohcejoga guovlluin, gos misiid oassi lei vehá mihttomeari vuolleleappos.
Johtalus- ja vuovdevahágat njiedjamin
Statistihkkaguovddáža mielde Lappis dáhpáhuvve jagi 2021 áigge 79 bártti.Johtalusvahágiid mearri lea njiedjan olahusjagi 2017 maŋŋá. Dalle ledje 180 ealgabártti. Johtalusvahágiid trenda lea lassánan eará Lappi ektui Ohcejogas, gos ledje jagi 2021 gávcci ealgabártti eanaš ođđajagi-njukčamánu áigge. Álgojagi 2022 ii leamašan oktage ealgabárti. Oppa Lappis bárttiid mearri lei álgojagi ektui seammá dásis go ovddit jagi.
Suoma vuovdeguovddáža mielde jagi 2021 áigge buhttejuvvon meahccevahágiid sturrodat lei 65 608 euro, main kvaliteahttatáhpabuhtadusat ledje 47 878 euro, dievasmahttin- ja ođđasiidgilvima golut 0 euro ja árvvoštallangolut 17 730 euro. Buhtadusaid vuođđun lean vahátviidodat lei 240 hektára. Buhtadusovdáneapmi leamašan njieddji jagi 2018 rájes.
Čanusjoavkkut duđavaččat ovdáneapmái vahágiid bokte
Čanusjoavkkut leat duđavaččat vuovde- ja johtalusvahágiid geahppáneapmái. Dilálašvuođas čanusjoavkkut bukte ovdan, ahte galgá figgat joatkit seammá ovdáneami ja doalahit ealganáli ásahuvvon mihttomearregaskkain. Dilálašvuođas ságastalle maiddái boazoealáhusa ja meahccebivddu oktiiheiveheamis ja ealgaealliid johtalusvahágiid ovddalgihtii eastadeaddji doaimmain.
Lappi guvllolaš fuođđoráđđi oaidná, ahte lUondduriggodatguovddáža girdinrehkenastimiid lea dárbu joatkit maiddái boahttevaš jagiin. Lappi guovllus girdinrehkenastimat addet mávssolaš lassedieđu ealganáli árvvoštallamii ja dahket vejolažžan stáđđásut ealganáli hálddašeami.
Lassedieđut:
Jari Huhtamella
Lappi guvllolaš fuođđoráđi sj.
tel. 040 7025 302