Čieža jagi beaktilis bivdu duogábealde. Lappi neahtebeananáli leat bastán doallat uhccin, muhto barggu ii oaččo dál heaitit. Giđđacugŋuid áigge leat maŋimuš vejolašvuođat jávkadit neahtebeatnaga luonddus ovdal geasi lassánanáiggi. Neahtebeatnagat čivget maid poláragearddu davábealde, gos dat sáhttet oažžut juobe logi čivgga hávil! Bivddu ulbmilin leat bissehit vierrošlája leavvama Norgii ja Ruŧŧii.
Jagi 2011 rájes sálašmearit ja áiccut leat geahppánan hui ollu Lappis. Giitosiid dás sáhttá addit eaktodáhtolaš meahcásteddjiide, geat bivdet neahtebeatnaga. Sálašmeriid geahppáneamis leat goittotge váikkuhusat meahcásteapmái: bivdomokta váidu, juos sállaša ii oaččot ovddeš vuogi mielde. Riđát báhcet gealddekeahttá, iige luottaid viša guorragoahtit. Neahtebeatnagat mávssahit dalán ruovttoluotta dainna, ahte laskagohtet!
Juos oainnát neahtebeatnaga Lappis
Suoma fuođđoguovddáža fidnus čogget áiccuid ja sálašdieđuid Lappi neahtebeatnagiin. Diehtu neahtebeatnagiid mearis lea dehálaš, vai beaktilis bivddu sáhttá čuozahit riekta. Juos oainnát neahtebeatnaga Lappis, riŋge Mäkimarttii (tel. 050-3011 676).
50 euro skeaŋkagoarta Judas-eallis, mas lea bággi
Lappis leat juo jahkeviisáid geavahan Judas-neahtebeatnagiid, main leat GPS-bákkit. Meahcis čuvvot 10-15 neahtebeatnaga, maid bargun leat doalvut gieddebargiid neahtebeanabára dahje -čivggaid lusa ja veahkehit dainna vugiin jávkadit neahtebeatnagiid Lappi mehciin.
Bivdomovtta lasiheami dihte Suoma fuođđoguovddáš fállá 50 euro árvosaš skeaŋkagoartta buohkaide, geat fáhtejit Judas-ealli gitta ja buohkaide, geat máhcahit čuovvunbákki. Bággeneahtebeatnagat leat birra Mátta- ja Gaska-Lappi, ja dan sáhttá deaivat gos beare.
Bággeneahtebeatnagat fállet dehálaš dieđu ealli johtimis Lappis. Neahtebeatnagat johtet giđđacugŋuid mielde, nuba gánniha giddet fuomášumi luottaide, mat leat vehá uhcibut go riebanis. Vejolašvuođaid mielde gánniha, maid guorademiin bivdit neahtebeatnaga. Ovtta ijas dat ii sirdás guhkás, ja neahtebeana sáhttá leat beaivit vuoiŋŋasteamen lagašmeahcis guossaovssiid vuolde.
Lappi neahtebeanafidnu sirdása olggobeale bálvalusfállái
Davviriikalaš neahtebeanafidnu, man Suoma fuođđoguovddáš koordinerii sirdojuvvui olggobeale bálvalusfállái álgojagis 2017. Bálvalusfállin válljejuvvui almmolaš gilvvu maŋŋá Doaibmanamma Juha Mäkimarttii. Fidnu geavatlaš doaibma joatkašuvvá váldoosiin boares málle mielde, dušše hálddahusmálle rievddai.
Neahtebeatnaga beaktilis bivdu leat oassin Davviriikalaš oktasaš doaibmamálle vierroborasspiriid leavvama eastimii. Fidnu ruhtadit Suoma fuođđoguovddáš, Meahciráđđehus ja Norgga ja Ruoŧa birashálddahusat.
Lassedieđut ja áiccuid almmuheapmi:
Juha Mäkimartti
050 3011 676
Mikko Alhainen
029 431 2401