Lappilaš bivdolobi ohcci oaččui duomu boasttudieđu addimis

Gearretriekti lea dubmen lappilaš bivdolobi ohcci sáhkkoráŋggáštussii boasttudieđu addimis Suoma fuođđoguovddážii ealgga bivdolohpeohcamušas.

Duomu ožžon bivdolohpeohcamuša vuolláičállán olmmoš lei doaimmahan jagi 2013 Suoma fuođđoguovddážii ealgaealli bivdolohpeohcamuša. Ohcamuša báhččilisttus buot 10 báhčči bokte lei duohtavuođa vuostá merkejuvvon, ahte oktage sis ii gula lahttun eará ealgabivdosearvái dahje -gázzái, mii ohcá bivdolobi. Lassin lei almmuhuvvon, ahte oktage báhčči ii bivdde ealgga eará searvvis dahje gáccis. Suoma fuođđoguovddáža dahkan guorahallamis čielggai maŋálgihtii, ahte ainjuo gávcci báhčči ledje dievasválddálaš lahtut eará meahcástansearvvis. Jus ohcamuš livčče devdojuvvon áššálaččat, bivdogázzi ii livčče deavdán Suoma fuođđoguovddáža gáibidan unnimusgáibáduseavttuid gáibiduvvon báhččimeari mielde. Ohcci ii ná livččii ožžon jagi 2013 mieđihuvvon ovtta ealgga bivdinlobi.

Meahciráđđehusa guovlolobi ja Suoma fuođđoguovddáža bivdolobi ohcamii gullevaš oktilaš báhččimeari unnimusgáibádusat meahcástanlága 8 §:a guovllus ja earát lobi oažžuma eavttut ja ohcanproseassa leat lohkanláhkái Meahciráđđehusa (eraluvat.fi) ja fuođđoguovddáža (riista.fi) ruovttusiidduin.

Suoma fuođđoguovddáš deattuha, ahte ohcamuša vuolláičállán olbmoš lea álo ovddasvástádus ohcamuššii merkejuvvon dieđuid vuoiggalašvuođas.

Suoma fuođđoguovddáš lea meahcástanlága 8 §:a guovllus dahkan maŋimuš jagiin eanet go ovdal dárkkistemiid ja čuggestaniskosiid ohcciid ohcamušain almmuhan dieđuid ektui. Jagi 2015 bivdolohpeohcamis dát jotkojuvvo, dahkko ain dárkileabbon ja viiddiduvvo. Čielggadanbargu lea šaddan álkibun maŋimuš jagiin, go atnui leat boahtán dihtorprográmmat maiguin lea álki dárkkistit ohcci almmuhan láigoeatnamiid ja daid siskkobeale bálsttáid sajádaga ja čáhce- ja eanaviidodagaid sáhttá dárkkistit álkit.

Buot bivdolohpeárvvoštallamiin dahkkojuvvon čielggadusaid vuolggasadji lea Suoma fuođđoguovddáža gáibádus čuovvut buori hálddašanmeannudeami ja dan bokte gáibádus buot ohcciid eavttuhis dásseveardásaš meannudeamis.

Additional information