Lappi guvllolaš fuođđoráđi gulai čanusjoavkkuid ollašuvvan ealganáli geahpedeamis, náli dilis ja ealgga dahkan vahágiin. Meahccebivddu maŋŋá ealganálli lea badjánan duhát ealggain ovddit jagis Lappis. Čieža ealgadoalloguovllu leat fuođđoráđi ásahan nállemihttomeriid siste. Ealganáli dillái ja vahátdillái ledje čanusjoavkkuin eanaš duđavaččat.
Fuođđoráđi giđđat 2024 ásahan mihttomearregaskkaid mielde ealganálli Lappis galggašii leat jagiid 2024-2026 gaskkas 13 639–19 831 ealgga, gaskamearálaččat 16 700 ealgga. Mihttomeriid ollašuvvama čuvvot ovttasbarggus čanusjoavkkuiguin jahkásaččat. Luondduriggodatguovddáža nálleárvvoštallamiid mielde meahcástanjagi 2024-2025 maŋŋá ealganálli Lappi guovllus lei 17 200 ealgga. Lappi lea juhkkojuvvon ovcci ealgadoalloguvlui. Dáin Máttanuorta-Lappi ealgadoalloguovllus (EDG 8) nálli lea mihttomeari bajábealde ja Eanodagas (EDG 3) vehá mihttomeari vuolábealde.
Ealganáli ráhkadus lea Lappis buori dásis. Rávis ealliid sohkabeallejuohkášupmi dávista eanaš mihttomeriid: eanemustá 1,5 njiŋŋálasa ovtta varrása guovdu. Njiŋŋálasaid oassi lea goittotge mihttomeari stuorát čielgasepmosit Posios ja Ranuas. Misiid oassi dálvenális bázii Anáris ja Ohcejogas vuollel 20-30 proseantta, mii lei mihttomearrin. Dan sadjái Máttanuorta-Lappis (EDG 8) ja Posio ja Ranua (EDG 9) guovlluin misiid oassi lei vehá stuorit go mihttomearri. Ealganáli miessebuvttadus lea sturron Lappis jo máŋgga jagi áigge meahccebivdiid čohkken áicamiid vuođul.
Suoma vuovdeguovddáža mielde jagi 2024 oasil buhttejuvvon vuovdevahágiid sturrodat lei 50 701 euro, mas kvaliteahttatáhpabuhtadusat ledje 35 881 euro ja árvvoštallanbuhtadusaid 14 820 euro. Buhtadusaid vuođđun leamašan vahátviidodat lei 207 hektára. Árvvoštallojuvvon priváhtaeatnamiid vuovdevahágiid viidodat leamašan seammá dásis maŋimuš njeallje jagi.
Ealggaid dagahan eanadoallovahágiid buhttejedje Lappi guovllus jagi 2024 spiehkastatlaš olu, oktiibuot 53 843 euro, main 50 000 euro šadde eanamuorješaddansajiide.
Statistihkkaguovddáža mielde Lappis dáhpáhuvve jagi 2024 áigge 92 ealgabártti. Johtalusvahágiid mearri lea bisson viehka stáđisin maŋimuš vihtta jagi.
Lassedieđut:
Jari Huhtamella, Lappi guvllolaš fuođđoráđi sj.
tel. 040 7025 302
Sami Tossavainen, Fuođđooaivámuš
tel. 029 431 2304