Mieđihuvvon bivdolohpemearri lovttai ovddit jagis 8 proseantta. Ovddit bivdobajis Lappis godde 3 097 ealgga, main badjelaš goalmmádas ledje miesit. Mieđihuvvon 4 121 bivdolobis geavahedje 62 proseantta.
Čavčča 2024 meahcástanbadjái mieđihuvvon bivdolohpemeari vuođđun lea Lappi guvllolaš fuođđoráđi giđđat 2024 Lappi ovcci ealgadoalloguvlui (EDG) ásahan ealganáli dávjodatmihttomeriin Mihttomearregaskkaid čuvvon ealganálli Lappis lea 13 639–19 831 ealgga, gaskamearálaččat sulaid 16 735 ealgga. Mannan čavčča bivddu maŋŋá báhcán nálli lei Luondduriggodatguovddáža nálleárvvoštallama mielde 16 400 ealgga.
Mieđihuvvon lohpemeriin ealggaid dagahan vahágiid figgat doallat govttolaš dásis, váldimiin vuhtii guvllolaš sierrasárgosiid ealganáli dikšumis ja seailluhit ealganáli eallinfámolažžan. Ealggaid dagahan johtalus- ja vuovdevahágiid mearri Lappis lea bisson govttolažžan. Álgojagi ealgabárttiid mearri lea SRVA-statistihkaid vuođul seammá dásis go ovddit jagi dávisteaddji áigge.
Ealgabivddu vuosttas bivdoáigodat Lappis lea 1.9.-20.9. Nubbi bivdoáigodat álgá 5.10.2024 ja nohká 15.1.2025. Boazodoalloguovllus beatnaga ávkkástallan bivddus lea gildojuvvon 1.1.-15.1.2025. Bivddus galgá váldit vuhtii boazodoalu ja eará luonddus johttiid. Deháleamos lea giddet earenoamáš fuomášumi dasa, ahte bivdu dáhpáhuvvá dorvvolaččat.
Meahccebivddu oktavuođas meahcásteaddjit čogget nállemuddema ja nálleárvvoštallama dáfus dehálaš áiccadieđu nális ja dan ráhkadusas boahttevaš jagiid várás. Suoma fuođđoguovddáš sávvá, ahte meahccebivdit girjejit ealgaáicamiid ja maiddái almmá ealgaáicamiid nohkan bivdobeivviid Oma riistai nu fuolalaččat go vejolaš.
Myönnetyt hirvenpyyntiluvat vuosina 2023-2024_Lappi
Additional information
Peltonen, Pirkka
- Plánejeaddji
- 0294312310
- pirkka.peltonen@riista.fi
- Toimipiste Rovaniemi.
Laine, Eerojuhani
- Fuođđoplánejeaddj
- Smávva ealgaealliid náliidčuovvunvugiid ovddideapmi
- +358 (0)29 431 2124
- eerojuhani.laine@riista.fi