Kainuu, Davvibađafeatnama ja measta olles Lappi guovllus lei lobálaš bivdit stuorračuotnjága 20.8 –27.8.2024 gaskasaš áigge. Ollislaš sálaš lei oktiibuot 120 stuorračuotnjága. Sállašis 45 lotti bivde Kainuus, 38 Lappis ja 37 Davvebađaeatnama guovllus.
Sálašmearri ja dan guvllolaš juohkášupmi vástidii Suoma fuođđoguovddáža ovdaárvvoštallama. Bivdu ráddjejuvvui sihke áiggálaččat ja maiddái meahcásteaddji guovdu áigodatdihtomeriin, mainna oaččui bivdit ovtta stuorračuotnjága, muhto ii lean lohpi bivdit bealdduin dahje ávkkástallat siektasa.
Stuorračuotnjága bivddus lea mearkkašahtti árvu meahcástankultuvrii. Eana- ja meahccedoalloministeriija ásahus lea dahkan vejolažžan ráddjejuvvon čuotnjága bivddu Davvi-Suoma bessenguovlluin áittekeahttá bessenmáddodaga gárggiideami.
– Stuorračuotnjága bivdduin háliidit seailluhit mávssolaš ja árbevirolaš suopmelaš meahccebivdohámi, stuorračuotnjága jeaggebivdu oktan dolastallama ja idjadeami meahcis, dadjá fuođđooaivámuš Mikael Luoma Suoma fuođđoguovddážis.
Fuođđodiehtu dáhkida bivddu suvdilisvuođa
Bákkolaš sálašalmmuhusa dihtii stuorračuotnjága sálašmearit leat bures dieđus. Meahccebivdiid bivdet ain sáddet gova sálašin báhččojuvvon stuorračuotnjága oaivvis Suoma fuođđoguovddážii vuollešlája meroštallama várás. Gova sáhttá sáddet čujuhussii hanhi@riista.fi.
Stuorračuotnjága bessenleavvanviidodat kártejuvvo maiddái boahttevaš gesiin. Kártemat leat dehálaš diehtogáldu árvvoštaladettiin bessenmáddodaga viidodaga ja guvllolaš bivdinvejolašvuođaid.
– Meahccebivdiid bivdit sáddet áicamiid stuorračuotnjágiid bessen- dahje lápmebáikkiin Suoma fuođđoguovddážii. Gieđahallat dáid dieđuid luhtolaččat. Dárbbašat lasi áicamiid earenoamážit Kainuus, Koillismaas ja Davvi-Sámi guovllus, Luoma dadjá.
Bessenáigodaga áicamiid galgá girjet maiddái loddeatlasii dahje Oma riista -bálvalussii.
Tundrastuorračuotnjága bivdu álgá riikka máttanuortaguovlluin golggotmánus
Suomas leat guokte čuotnjága vuollešlája. Davvi-Suoma guovllus bivdu čuohcá eanaš táigastuorračuotnjágii. Suoma máttanuortaguovlluin álgá stuorračuotnjága nuppi vuollešlája, tundrastuorračuotnjága bivdu 1.10.2024.
Lobálaš meahcástanguovllu sáhttá dárkkistit Suoma fuođđoguovddáža neahttasiidduin.
Stuorračuotnjága bivdoguovlu (riista.fi).
Sádde gova stuorračuotnjágis (riista.fi).
Vásttolaš čáhceloddebivdi (riistainfo.fi).