Oma riista -ohje (pdf) Video (dreambroker.fi)
Bivdolobi ohcamušskovvi 8 § (pdf)
Almmuhus meahccebivdui oassálastiin (doc) (devdojuvvo elektrovnnalaččat)
Bivdolobi ohcamušskovvi 28 § (doc)
Bivdolobi ohcamušskovvi 28 § (odt)
Bivdolobi ohcamušskovvi 28 § (pdf)
Ohcamuš ja mearrádus
Meahcástanlága 26 § mielde Suoma fuođđoguovddáš sáhttá mieđihit bivdolobi guossagotti, ruksesgotti, jáhpánagotti, ealgga, vilgesbiežagotti ja vuovdegotti bivdui.
Ealgaealliid bivddu guoskevaš ohcamuša galgá doaimmahit maŋimustá 30. beaivve cuoŋománus dan fuođđodikšunsearvái, man doaibmaguvlui eanaš oassi lohpeohcamušas oaivvilduvvon meahcástanguovllus gullá.
Ealgaealli meahcásteapmái guoskevaš bivdolohpeohcamuššii galgá laktit kártta lohpeohcamušas oaivvilduvvon bivdoguovllus ja čielggadusa viidodagas.
Fuođđodikšunsearvi galgá maŋimustá 15. beaivve miessemánus doaimmahit ohcamušáššegirjjiid oktan cealkámušaidisguin Suoma fuođđoguovddážii.
Suoma fuođđoguovddáš galgá mearridit ohcamušaid maŋimustá 10. beaivve borgemánus ja doaimmahit mearrádusaid ohcciide dakkaviđe.
Gáibádusat ja eavttut
Okta bivdolohpi addá lobi bivdit ovtta rávis ealgaealli dahje guokte miesi. Bivdolohpái sáhttá laktit dárkilut mearrádusaid bivdima várás oaivvilduvvon ealgaealliid agis dahje sohkabealis, jus dat lea dárbbašlaš ealgaeallináli heivvolaš dikšuma dáfus.
Suoma fuođđoguovddáš galgá fuolahit bivdinlobi mieđihettiin das, ahte ealgaeallinálli ii meahccebivddu dihtii leat áitojuvvon ja, ahte ealgaealliid dahkan vahágat bissot govttolaš dásis. Johtolat-, eanadoallo- ja vuovdevahágiid vuhtii váldima dihtii fuođđoguovddáš galgá jahkásaččat gullat guovlulaš čanusjoavkkuid. Geavatlaččat dát oaivvilda ovdamearkan eanaeaiggádiid ja vuovdeguovddážiid ovddasteaddjiid gullama ealgaealliid dahkan vuovdevahágiidda gullevaš áššiin. Seammá láhkai eanadoallo- ja johtolatvahágiin gullat ealáhus-, johtolat ja birasguovddážiid.
Ealgaealliid bivdolobi mieđiheapmi eaktun lea, ahte lobi ohccis dahje ohcciin lea vuoigatvuohta bivdit ohcamušas oaivvilduvvon ealgaealli bivdui heivvolaš oktilaš guovllus. Ealgabivddus geavahuvvon guovllu viidodat galgá leat unnimustá 1 000 hektára ja eará ealgaeallibivddus geavahuvvon guovllu viidodat unnimustá 500 hektára. Viidodatgáibádusain spiehkkaseamis mearrida eana- ja meahccedoalloministeriija.
Meahcástanlága 8 § oaivvilduvvon bivdolohpi stáhta guovlluide ohccojuvvo iežas skoviin. Jus ohcamušas oaivvilduvvon bivdoguvlui gullevaš stáhta eaiggáduššan guovlluid viidodat lea badjel 1 000 hektára, de ohcamuššii galgá laktit álgoalmmuhusa dieđuid bivdui oassálastán báhcciin sihke sin fásta ássanbáikkiin ja eará gažaldatvuloš ealgaealli bivdovejolašvuođain.
Ođđa bivdolohpi
Jus báhččojuvvon ealgaealli lea bivdolobi hálddašeaddjis fuolatkeahttá vaháguvvan dahje buozus nu, ahte dat lea eanet go beallái billašuvvan, de Suoma fuođđoguovddáš mieđiha 29. paragráfa mielde boares bivdolobi sadjái ođđa bivdolibi almmá mávssu haga.