Bivdolobi eretgeassin
Meahcástanlága 10 a § mielde Suoma fuođđoguovddáš sáhttá bolesa dahje rádjegozáhuslágádusa evttohusas geassit eret bivdolobi, mii lea fámus 10 § dahje 26 § mielde, jus bivdolobi ožžon olmmoš rihkku dán lága dahje dan vuođul addojuvvon njuolggadusaid. Seammá guoská deaŧalaš lohpeeavttuid rihkkuma.
Eretgessojuvvon bivdolobi ožžon olbmui ii mieđihuvvo seammá meahcástanjagi áigge ođđa dávisteaddji ealli bivdolobi, ovdal go ovddit lobi eretgeassin lea lágalaččat čovdojuvvon dahje eretgeassin gomihuvvon.
Spiehkastatlobi eretgeassin
Meahcástanlága 41 e § mielde Suoma fuođđoguovddáš sáhttá bolesa dahje rádjegozáhuslágádusa evttohusas geassit eret spiehkastatlobi, jus spiehkastatlobi ožžon olmmoš rihkku meahcástanlága dahje dan vuođul addojuvvon njuolggadusaid. Seammá guoská deaŧalaš lohpeeavttuid rihkkuma.
Eretgessojuvvon spiehkastatlobi ožžon olbmui ii mieđihuvvo seammá meahcástanjagi áigge ođđa dávisteaddji spiehkastatlobi, ovdal go ovddit lobi eretgeassin lea lágalaččat čovdojuvvon dahje eretgeassin gomihuvvon.