Suoma fuođđoguovddáš ovddida gierdavaš fuođđodoalu, doarju fuođđodikšunservviid doaimma ja fuolaha fuođđopolitihka doaibmabijuin ja vástida dasa meroštallojuvvon almmolaš hálddahusdoaimmain.
Suoma fuođđoguovddáš lea iehčanas almmolašvuoigatvuođalaš lágádus, man doaibma álggi 1.3.2011. Meahcásteaddjiid guovddášorganisašuvdna ja fuođđodikšunbiiret laktojuvvojedje Fuođđoguovddážii.
Fuođđoguovddáš ja stivra
Stivrras lea alimus mearridanváldi Suoma fuođđoguovddážis.
Suoma fuođđoguovddáža jođiheaddji jođiha ja ovddida operatiivvalaš doaimma, lea ovddasvástádusas boađuslašvuođas ja fuolaha stivrra giehtadallan áššiid válmmaštallamis ja mearrádusaid ollašuhttimis
Almmolaš hálddahusdoaimmaid oaivámuš vástida almmolaš hálddahusdoaimmaid dikšumis. Almmolaš hálddahusdoaimmaid oaivámuš lea almmolaš hálddahusdoaimmaid divššodettiin sorjjasmeahttun jođiheaddji bargo-jođihanrievtti ektui.
Stivrenjovkui gullet nu gohčoduvvon doaibmaproseassaid eaiggádat dahjege Suoma fuođđoguovddážiid sierra proseassain vástideaddji oaivámuččat. Viiddiduvvon stivrenjoavkkus lea fuođđoguovddážiid guovlluid ovddasteapmi golmma stuorraguovllus: Oarje-Suopma, Nuorta-Suopma ja Davvi-Suopma.
Eana- ja meahccedoalloministeriija stivre ja bearráigeahččá Suoma fuođđoguovddáža doaimma.
Loga lasi almmolaš hálddahusdoaimmain
Geahča oktavuohtadieđut
Fuođđoguovddáža doaibmaguovlu
Suoma fuođđoguovddáš doaibmá oppa stáhta viidodagas, Ålándda eanagotti vuhtii válddekeahttá. Fuođđoguovddáža doaibma juohkašuvvá 15 guvlui, main juohke sajis lea guovlludoaimmahat, guovlulaš fuođđoráđđi ja guovllučoahkkin.