Albasa nálledikšuma meahcástus boazodoalloguovllus álgá golggotmánu álggus

Albasa sáhttá boazodoalloguovllus meahcástit spiehkastatlobiin golggotmánu álggus gitta guovvamánu lohppii. Spiehkastatlobit mieđihuvvojedje dán jagi oktiibuot 20 lobi. Albasis 13 sáhttet bivdojuvvot Kainuus, vihtta Oulu boazodoalloguovllus ja guokte Lappis.

Luondduváriidguovddáš lea árvvoštallan, ahte ovdal meahcástanbaji boazodoalloguovllus leat 80 – 125 badjel jagi ahkásaš albasa. Mannan bivdinbajis boazodoalloguovllus bivde nálledikšuma spiehkastatlobiiguin 14 albasa.

Spiehkastatlobit leat deattuhuvvon boazodoalloguovllu máttaosiide ja eandalii Kainuu guvlui, go doppe albasa boazodollui dagahan vahágat leat stuorrát. Suoma fuođđoguovddáš ávžžuha, ahte nálledikšuma bivdu siktejuvvo vejolašvuođaid mielde ealliide, mat goddet bohccuid.

Eana- ja meahccedoalloministeriija ii leat ráddjen boazodoalloguovllus spiehkastatlobiid vuođul sálašin bivdojuvvon albasiid meari.

Boazodoalloguovllu olggobealde albasa nálledikšuma meahcásteapmi spiehkastatlobiiguin álgá 1. juovlamánu ja bistá guovvamánu 28. beaivvi rádjai. Suoma fuođđoguovddáš mearrida boazodoalloguovllu olggobeale spiehkastatlobiin golggotmánu loahpas.

Lassidieđut:

Sauli Härkönen, Almmolaš hálddahusdoaimmaid hoavda, Suoma fuođđoguovddá

029 431 2104, sauli.harkonen@riista.fi