Siirry sisältöön

Guokte ođđa geatkkespiehkastatlobi mieđihuvvon

Suoma fuođđoguovddáš lea mieđihan guokte ođđa geatkkespiehkastatlobi duorastaga 16.2.2017 mieđihuvvon njealji spiehkastatlobi lassin. Spiehkastatlobit leat mieđihuvvon daid getkkiid goddimii, mat leat dagahan mearkkašahtti ollu boazovahágiid. Nubbi spiehkastatlohpi lea mieđihuvvon Lappi bálgosa lohpeguvlui ja nubbi Muoná ja Neakkel bálgosa oktasaš lohpeguvlui.  

Mieđihuvvon spiehkastatlobiiguin lea ulbmil eastit dáhpáhuvvamis earenoamáš stuorra vahágiid boazodollui. Ovddit jagiid vásáhusaid vuođul lea dieđus, ahte giđđadálvvi muohtadilli lea oiddolaš geatkái ja danin geatki dagahage vahágiid justa dalle. Hui ráddjejuvvon spiehkastatlohpi lea mieđihuvvon daid geatkki ássanguovlluide, gos leat gávnnahan earenoamáš ollu geatkevahágiid. Vejolažžan dahkkojuvvon  ja ráddjejuvvon bivdu ollašuhttá geatkenáli dikšunplána.

Eanan- ja vuovdedoalloministeriija ásahusas stuorimus vejolaš sálašmearrin bivdojahkái 2016-2017 lea biddjojuvvon gávcci geatkki. Ásahusa mielde sierralobiid sáhttá mieđihit dušše geatkenáli dikšunplánas meroštallojuvvon boazodoalloguovllu davve- ja nuortaosiid geatkenáli dikšunguvlui, dohko gos geatkkit dagahit eanemus boazovahágiid.

 

Lassedieđut:

Sami Tossavainen, fuođđohoavda, Suoma fuođđoguovddáš Lappi

tel. 029 431 2304  sami.tossavainen@riista.fi

 

Urpo Kainulainen, fuođđoplánejeaddji, Suoma fuođđoguovddáš Lappi

tel. 029 431 2252 urpo.kainulainen@riista.fi