Fuođđolottit, ráfáidahtekeahtes lottit

Spiehkastatlobi ohcamušskovvi 41 b § vahága vuođul
Spiehkastatlobi ohcamušskovvi 41 b § vahága vuođul
Spiehkastatlobi ohcamušskovvi 41 b § vahága vuođul

Spiehkastatlobi ohcamušskovvi 41 b § 2 mom.
Spiehkastatlobi ohcamušskovvi 41 b § 2 mom.
Spiehkastatlobi ohcamušskovvi 41 b § 2 mom.

Ohcamuš

Spiehkastatlobiid earret eará vuoražasa ja ránesrástá ráfáidahttimis spiehkasteapmái giđđii ja geassái galgá ohcat buriin áiggiin. Ohcamušat gieđahallojuvvojit dábálaččat dan ortnegis go dat leat Suoma fuođđoguovddážii boahtán. Go leat buriin áiggiin jođus, de lea vuorddehahtti, ahte beasat vahágiid doarjumii seammás lohpeáiggi álggu rájes.

Stuorámus oassi ráfáidahtekeahtes lottiid spiehkastatlohpemearrádusain dahkkojuvvojit jagi golmma vuosttas mánu áigge. Dalle ohcamušaid gieđahallan sáhttá vehá buđđosit. Ovdal miehtemielalaš spiehkastatlobi ollašuhttima ferte maiddái vuordit váidináiggi, mii lea 37 jándora. Ávaštallojuvvon vahátdáhpáhusain ohcamušaid gánnehage guođđit nu árrat go vejolaš, millosepmosit 2-2,5 mánu ovdal ohccojuvvon spiehkastatlobi álgima.

Ohcci galgá ovddemuččas leat vahága gillán olmmoš. Son sáhttá spiehkastatlobi oažžuma maŋŋá soahpat dan geavaheamis olbmuiguin, geaid lea válljen.

Oktasašohcamušas galget leat juohke oasálačča (vahága gillán) oktavuođadieđut, čielggadus vahágis ja bivdojuvvon lottiid mearit čielgasit ovdanbuktojuvvon. Lassin oktasašlobi oasálaččain galgá leat fápmudus ohccin doaibman olbmo spiehkastatlobi ohcamii. Registrerejuvvon searvvi, ovdamearkan meahcástansearvvi, ohcamuša vuolláičállá dasa vuoigadahtton olmmoš.

Guovlu ráddjejuvvo kártii, mii laktojuvvo ohcamuššii. Muorješaddadanbáikkiin spiehkastatlobi sáhttá ohcat gilvvasadjái ja dan lahkasii.

Ohcci galgá addit nu dárkkes dieđuid go vejolaš, eastimii oaivvilduvvon vahága sturrodagas ja luonddus, ja vahága eastadeapmin dahkkon doaibmabijuin. Lassin ohcci galgá čilget sivaid, manin vahága ii sáhte eastit eará láhkai go lottiid báhčimiin.

Gáibádusat ja eavttut

Jus ii leat eará duhtadahtti čoavddus iige mearrádus hehtte šlája heivvolaš suodjalandási seailluheami, de 41 §:s oaivvilduvvon spiehkastatlobi sáhttá mieđihit 5 §:s oaivvilduvvon fuođđolottiid ja ráfáidahtekeahtes lottiid bivdimii dahje goddimii:

1) álbmotdearvvašvuođa ja almmolaš dorvvolašvuođa dorvvasteapmin;

2) girdindorvvolašvuođa dáhkideapmin;

3) gilvvasajiid, ruovttuealliid, vuvddiid, guollečáziid ja čázádahkii čuohcci duođalaš vahága eastimii;

4) šaddošlájaid ja eallišlájaid suodjaleapmi; dahje

5) dutkan- ja skuvlendárkkuhusas, náli lasihan- ja ođđasiidsirdindárkkuhusas ja dáid várás dáhpáhuvvan šaddadeami vejolažžan dahkama várás. (Meahcástanláhka 41 b §)

Dákkár nu gohčoduvvon vahátákkalaš spiehkastatlobi sáhttá mieđihit čuovvovaš fuođđolottiid buohta: kanádačuonjá, ránesčuonjá, čuonjá, duoršu, čiksa, snárttal, vuojaš, suoidnečiksa, spoađđoduoršu, ruksesfiehta, vuoktafiehta, hávda, haŋŋá, čoađgi, vuoktagoalsi, gussagoalsi, rievssat, giron, bakku, hurri, čukčá, bealdobakku, fasána, giehpavuonccis, vuovdemeahkástat ja dielkoduvvá.

Lassin spiehkastatlobi sáhttá mieđihit čuovvovaš ráfáidahtekeahtes lottiide: gáranas (boazodoalloguovllus), vuoražas, skire, ránesskávli, gáiru, duvvá ja ránesrásttis.

Lassin spiehkastatlobi sáhttá mieđihit maiddái dárkilit bearráigehččojuvvon diliin ja válljema vuođul dihto eará go ráfáidahtekeahtes lottiid smávva meriid goddimii, bivdimii háldosis doallamii dahje muđui áššálaš ávkeanu vejolažžan dahkama várás. (Meahcástanláhka 41 b § 2 momeanta)

Dákkár spiehkastatlohpi sáhttá mieđihuvvot čuovvovaš lottiide:

kanádačuonjá, ránesčuonjá, čuonjá, duoršu, čiksa, snárttal, vuojaš, suoidnečiksa, spoađđoduoršu, ruksesfiehta, vuoktafiehta, hávda, haŋŋá, čoađgi, vuoktagoalsi, gussagoalsi, rievssat, giron, bakku, hurri, čukčá, bealdobakku, fasána, giehpavuonccis, vuovdemeahkástat ja dielkoduvvá.

Spiehkkaseapmi gildojuvvon biergasiid geavaheapmái

Dáinna ohcamušskoviin ohccojuvvo maiddái lohpi spiehkkasit muđuid gildojuvvon biergasiid dahje vugiid geavaheapmái, jus dat lea vahágiid eastima dihtii dárbbašlaš.

Ráfáidahtekeahtes lottiid bessenáiggi ráfáidahttináiggit

  • garjá, ránesskávli, gáiru, lojesduvvá, ránesrásttis Davvebađaeatnama, Kainuu ja Lappi eanagottiid guovlluin 1.5. – 31.7., Davvi-Savo ja Davvi-Gárjila eanagottiid guovlluin 1.4. – 31.7. ja ja eará guovlluin riikkas 10.3. – 31.7.
  • skire Davvi-Savo, Davvi-Gárjila, Davvebađaeatnama, Kainuu ja Lappi eanagottiid guovlluin 10.4. – 31.7. ja eará guovlluin riikkas 1.4. – 31.7.
  • gáranas boazodoalloguovllus 10.4. – 31.7. (eará guovlluin riikkas ráfáidahtton oppa jagi)
  • ránesskávlli searvvošbessemat oppa jagi
Beaivvádahtton 4.3.2015