Mádjit, nuortamearagahtte ja bealdobakku

Bivdolobi ohcamušskovvi 10 § 1 mom.
Bivdolobi ohcamušskovvi 10 § 1 mom.
Bivdolobi ohcamušskovvi 10 § 1 mom.

Suoma fuođđoguovddáš sáhttá meahcástanásahusa, mii lea fámus, mieđihit bivdolobi mádjiga ja nuortamearagahte bivdimii. Lassin bivdolobi sáhttá mieđihit bealdobakku bivdimii eará guovlluide go Nuortabađaeatnama, Mátta-Nuortabađaeatnama, Gaska-Nuortabađaeatnama ja Davvebađaeatnama eanagottiin. Mieđihuvvon bivdolohpi lea fámus eanemustá jagi mieđiheami rájes.

Ohcci galgá laktit bivdolobi guoskevaš ohcamuššii čielggadusa das, man guovllus ja goas bivdolohpeohcamušas oaivvilduvvon fuođđoealli lea ulbmil bivdit. Ohcci galgá lassin Suoma fuođđoguovddáža gáibidettiin ovdanbuktit čielggadusa bivdovuoigatvuođastis bivdolohpeohcamušguovllus ja čielggadusa ohcamušas oaivvilduvvon fuođđoeallišlája náli sturrodagas.

Bivdolohpi mieđihuvvo eanemustá ohccojuvvon fuođđoealliid oktagaslohkui. Jus fuođđoealli náli heivvolaš dikšun sihke bivddu bealehis ja heivvolaš ordnen dan gáibida, de Suoma fuođđoguovddáš sáhttá geahpedit bivdui oaivvilduvvon ealliid meari ohccojuvvon mearis. Lassin fuođđoguovddáš galgá váldit vuhtii bivdolobi mieđihettiin dan, ahte gažaldatvuloš fuođđoealli dahkan vahágat bissot guovllus govttolaš dásis

Earenoamáš siva dihtii bivdolohpái sáhttet ásahuvvot bivdovuohkái dahje bivdoguvlui guoskevaš ráddjehusat sihke váldit mearrádusaid bivdolohpái bivdojuvvo ealliid agis dahje sohkabealis.

Beaivvádahtton 25.2.2015