Meahcásteapmi

Meahcástankoartta lotnot Suomas jahkásaččat sullii 300 000 olbmo. Olmmošlogu ektui mearri lea stuoris eará Eurohpá riikkaide veardidettiin. Suopmelaš meahcásteapmi lea áigeádjin álkit dábálaš olbmuid olámuttus.

Meahcásteapmi lea seilon dábálaš ja árvvusadnon áigeádjin, man servodatlaš dohkkeheapmi lea allat. Meahcásteaddjit dahket Suomas servodaga ávkin olu eaktodáhtolaš barggu. Ovdamearkkat dás leat fuođđorehkenastimiid čađaheapmi ja stuorrafuođđovirgeveahki fállán virgeoapmahaččaide ovdamearkan johtolagas lápmašuvvan dahje váralaš ealgaealliid ja návddiid luottaid guorramii, vuodjeleapmái dahje rádjamii.

Suopmelaš bivdoárbevierru

Meahcástus lea guhká leamašan measta eallineaktu suopmelaš bearrašiidda. Bivddus johte biepmu ja dorkasiid skáhppoma dihtii. Dorkasat ledje máksinneavvut ja vel maŋŋelisge dain oaččui mearkkašahtti lassidietnasa.

Vaikke suopmelaš bivdu leage nuppástuvvan jagiid mielde eanet áigeáji guvlui, lea meahcásteapmis ain stuorra mearkkašupmi dainna buđaldeaddji olbmuide, sin bearrašiidda ja servodahkii.

Fuođđus oažžu buhtes vildabiepmu, mii máŋggain bearrašiin lea mearkkašahtti lassi gávppis ostojuvvon bibmui. Meahcásteaddjit ožžot sállašisttis jahkásaččat badjel 10 miljon kilo buhtes fuođđobierggu.

Meahcástansearvái dahje –jovkui gullan lasiha searvvušvuođa ja sosiála oktavuođaid. Áigeáji olis dáhpáhuvvan lihkadeapmi ja eará aktiivvalaš doaibma dollet olbmo miela nugo rupmašage ortnegis.

Beaivvádahtton 23.4.2013