Guovžabivdu loahpa bealde boazodoalloguovllus

Suoma fuođđoguovddáš ávžžuha boazodoalloguovllus guovžabivdiid váldit vuhtii guovžabivddu lohpeeriid. Lea earenoamáš dehálaš almmuhit goddojuvvon guovžžain dalán, amas lohpeearit dievvat.

Dán čavčča guovžabivdu lea ovdánan oalle jođánit maiddái boazodoalloguovllus. Oarjjabeale 15 guovžža lohpeearis lea gottekeahttá šat golbma guovžža ja nuorttabeale 55 guovžža lohpeearis leat gottekeahttá gávcci guovžža.

Suoma fuođđoguovddáš ávžžuha meahcásteddjiid leat dárkilat ja váldit vuhtii guovžabivddu lohpeeriid. Go guovžabivddu lohpeearit leat nohkamin, de meahcásteaddjit galget almmuhit sállašis jođánamosit guovžža goddima  maŋŋá dego guovžabivddu spiehkastat lobiide guoski láhkaásahus (8§ 3 mom) gáibida. Jus jođánis almmuheamis leat váttisvuođat, Suoma fuođđoguovddáš rávve guovžža goddán olbmo bivdit gean nu eará sáddet lágas gáibiduvvon sálašalmmuhusa Oma riista -bálvalussii dahje e-poasttain čujuhussii lappi@riista.fi.

Sálašalmmuhusas galget boahtit ovdán čuovvovaš dieđut: 1) dan olbmo namma, gii guovžža goddán, su čujuhus ja telefonnummir, 2) goddinbeaivi ja diibmoáigi, 3) goddojuvvon guovžža sohkabealli, 4) goddinbáikki gielda, báikenamma ja goddinbáikki koordináhtat.

Go lohpeearri dievvá, Suoma fuođđoguovddáš heaittiha guovžžabivddu (boazodoalloguovllu oarjja-/nuortta bealde).

Guovžabivddu nuorttabeale dihtoearreguvlui gullet Ohcejoga, Anára, Soađegili, Pelkosenniemi, Savukoski, Salla, Guossáma ja Suomussalmi gielddat. Oarjjabeale boazodoalloguvlui gullet fas eará boazodoalloguovllu gielddat. Eanemus guovžžaid leat goddán dán čavčča Suomussalmis (14), Sallas (11) ja Anáris (10).

 

Boazodoalloguovllu oarjja- ja nuorttabeale guovžabivddu lohpeearri
Kiintiötilanne ja saaliiksi saadut karhut
Suomen riistakeskus

Additional information