Elektronalaš meahcástangoarta — álot fárus

Matti Metsästäjä 700x1200

Prentejuvvon meahcástangoarta doaimmahuvvo dábálaččat loahppegease Meahcásteaddji-bláđi fárus. Dál Suoma fuođđoguovddáš lea ráhkadan dan báldii elektronalaš meahcástangoartta, man sáhttá álkimusat fievrredit fárustis Oma riista -mobilalplikašuvdnan.

Elektronalaš meahcástangoarta leamašan oažžumis Oma riista – interneahttabálvalusas ja -mobilaplikašuvnnas dán jagi cuoŋománu rájes. Fierbmebálvalusas sáhttá maiddái čálihit láhppon meahcástangoartta sadjái duođaštusa fuođđogáhttenmávssu máksimis. Jus lea mannamin olgoriikii bivdoduvrii, de prográmmas leat oažžumis maiddái eaŋgals- ja duiskkagielat sertifikáhtat.

Elektronalaš meahcástangoartta oaččut atnui, go registreret Oma riista -bálvalussii neahttačujuhusas oma.riista.fi ja luđet jierbmetelefovdnii nuvttá Oma riista -mobilaplikašuvnna Google, Microsoft dahje Apple aplikašuvdnagávppiin. Oma riista -fierbmebálvalusas ja -mobilaplikašuvnnain sáhtát geahččat iežat dieđuid meahcásteaddjiregistaris ja doaimmaidat fuođđogáhttensearvvis.

Jus leat láhppán iežat fuođđogáhttenmávssu máksinskovi, de fertet diŋgot dan meahcásteaddjiregistaris e-poasttain čujuhusas metsastajarekisteri@innofactor.com dahje telefovnnain nummiris 030 600 2301. Elektronalaš meahcástangoarta ihtá Oma riista -bálvalussii moatti beaivvis dan maŋŋá, go leat máksán fuođđogáhttenmávssu. Go dagat báŋkkuinat e-rehketsoahpamuša, de dainna sihkkarasttát dan, ahte meahcástangoarta lea álot fámus.

Additional information